"මට කෙට්ටු වෙන්න ඕනේ නෑ, මම ඉන්නේ හරිම සතුටින්" විවාහයට සුබ පතන ගමන් කෙට්ටු වෙන්න උපදෙස් දීපු අයට, කළණ ගුණසේකරගේ බිරිඳ බුකියේ ලියූ සැර සටහන!
- Get link
- X
- Other Apps
ලාංකේය ටෙලිනාට්ය සහ සිනමා ක්ෂේත්රයේ සිටින අතිදක්ෂ මෙන්ම පෙරළිකාර රංගන ශිල්පියෙකු වන කළණ ගුණසේකර පසුගියදා යුග දිවියට පිවිසි පුවත සමාජ මාධ්ය තුළ දැඩි කතාබහකට ලක්වුණා.
ඔහුගේ අත ගත්තේ රුචිනි නම් ආදරණීය තරුණියයි. ඔවුන්ගේ මෙම සුන්දර විවාහ මංගල්යය වෙනුවෙන් කලා ක්ෂේත්රයේ පිරිස් මෙන්ම රසික රසිකාවියන් විශාල පිරිසක් ඉතාමත් ආදරයෙන් සුබ පැතුම් එක් කර තිබුණා.
කෙසේ වෙතත්, එලෙස සුබ පැතුම් එක් කරන අතරතුර ඇතැම් පිරිස් දුරකථන ඇමතුම් සහ කෙටි පණිවිඩ ලබා දෙමින් රුචිනිට ඇයගේ ශරීරයේ බර අඩු කරගන්නා ආකාරය සහ කෙට්ටු වීමේ ක්රම පිළිබඳව විවිධ උපදෙස් ලබා දීමට පටන්ගෙන තිබෙනවා.
හොඳ චේතනාවෙන් වුවද තම ශරීරයේ ප්රමාණය පිළිබඳව අනවශ්ය ලෙස උපදෙස් දෙන්නට පැමිණි එම පිරිසට පිළිතුරු දෙමින් කළණගේ ආදරණීය බිරිඳ රුචිනි සිය ෆේස්බුක් ගිණුමේ ඉතාමත් අපූරු මෙන්ම කාගේත් ඇස් අරවන සටහනක් තබා තිබුණා.
ශල්යකර්ම සහ එන්නත් වැනි අස්වාභාවික කෙටි ක්රම මගින් කෙට්ටු වීමේ අතුරු ආබාධ ගැන තමන් හොඳින්ම දැනුවත් බවත්, තමන්ට මේ මොහොතේ කෙට්ටු වීමේ කිසිදු අවශ්යතාවයක් නොමැති බවත් ඇය එහිදී අවධාරණය කර තිබෙනවා. එමෙන්ම මීට පෙර කිසිදු කෙටි ක්රමයක් භාවිත නොකර තමන් කිලෝ 47කින් බර අඩු කරගත් කෙනෙකු බැවින්, අවශ්ය වුවහොත් කෙට්ටු වන ආකාරය තමන් හොඳින්ම දන්නා බවද ඇය සඳහන් කර තිබුණා.
ඇය තැබූ එම සම්පූර්ණ සටහන පහතින්,
"පසුගිය දින කිහිපය තුළ මටත්, කළණටත් සුබ පැතුම් එක් කළ, කතා කළ, ආදරය දුන් සියලු දෙනාට ගොඩාක් ආදරෙයි.. ඒ අතර මට කෝල් කරමින්, මැසේජ් කරමින් බර අඩුකරගන්නා ක්රම, කෙට්ටු වෙන ක්රම කියන අය ඒවා කියන්නෙ හොඳ චේතනාවෙන් බව මම දන්නවා..
නමුත් මට කෙට්ටු වෙන්න ක්රම දැනගන්න අවශ්ය නෑ. ඒ සියලු දේ ගැන මම ඉතා දැනුවත්. Weight loss surgeries ගැන මම හොඳින් දන්නවා. මගේ සමීපතමයන් ඒවා කරලා තියෙනවා.
කෙට්ටු වෙන ශල්යකර්ම ඇතුළු කෙටි ක්රමවලට මම ඉතා තදින් විරුද්ධයි ඒවායෙ side effects සහ අහිතකර බලපෑම් නිසා. ඒ නිසා නැවතත් ඒ ගැන දැනුවත් කිරීම් අනවශ්යයි.
අස්වාභාවික ක්රමවලින් ශරීරයට එක එක දේ කරන්න මම කැමති නෑ. මේ ඉන්ජෙක්ෂන්, ශල්යකර්ම තව මෙකී නොකී දේ අලුතෙන් හොයාගෙන කරපු අයට side effect එන්න තව හුඟක් කල් යනවා.
ඒ නැතත් මට කෙට්ටු වෙන්න අවශ්ය නෑ!
මම ඉතා සතුටින් ඉන්න කෙනෙක්. මට කෙට්ටු වෙන්න මේ මොහොතේ අවශ්ය නෑ. අවශ්ය වුනොත් කෙට්ටු වෙන හැටි මම හොඳින්ම දන්නවා එක පාරක් කිලෝ 47ක් කිසිම කෙටි ක්රමයක් නැතුව අඩු කරපු කෙනෙක් හැටියට.
ඉතිං ස්තූතියි. ගොඩක් ආදරෙයි.
මගේ බර ඔබ ඔසවාගෙන යන එක නවත්තපු දවසට ඔබත් මම වගේම සැහැල්ලු වෙයි."අන් අයගේ ශරීර ප්රමාණයන් දෙස බලා විනිශ්චයන් ලබා දෙන සහ අනවශ්ය උපදෙස් දීමට යන සමාජයට ඇය ලබා දුන් මෙම බුද්ධිමත් පිළිතුරට මේ වන විට සමාජ මාධ්ය පරිශීලකයින්ගෙන් හිමිවන්නේ ඉතා ඉහළ ප්රශංසාවක්!
උපුටා ගැනීමක්..
- Get link
- X
- Other Apps


Comments
Post a Comment