ලෝකයේ විවිධ ආගමික විශ්වාසයන් සහ භක්තිය වෙනුවෙන් මිනිසුන් සිදුකරන ඇතැම් කැපකිරීම් අදහාගැනීමට පවා අපහසුයි. එලෙස තම ආගමික විශ්වාසය වෙනුවෙන් වසර 12ක් පුරා එක දිගට සිටගෙන සිටින ඉන්දීය පුද්ගලයෙකු පිළිබඳ පුවතක් සහ වීඩියෝවක් මේ වන විට සමාජ මාධ්ය ඔස්සේ දැඩි කතාබහකට ලක්ව තිබෙනවා.
"දුලාල් ගිරි ජී මහරාජ්" (Dulal Giri Ji Maharaj) නමින් හැඳින්වෙන මෙම පුද්ගලයා, තම විශ්වවිද්යාල අධ්යාපනය පවා අතරමග නතර කර දමා පූර්ණ කාලීනව ආගමික ජීවිතයකට යොමු වී ඇත්තේ එක් සුවිශේෂී ප්රතිඥාවක් සමඟයි. ඒ, තම ජීවිත කාලය පුරාවටම වාඩි නොවී සිටගෙන සිටීමයි .
ඔහුගේ දැඩි විශ්වාසය වී ඇත්තේ මෙලෙස දුෂ්කර ව්රතයක් ආරක්ෂා කිරීම හරහා දිනක තමන්ට හින්දු දෙවියෙකු වන 'මහාදේව්' (ශිව දෙවියන්) සියැසින් දැකගැනීමට අවස්ථාව උදා වනු ඇති බවයි.
විදෙස් වාර්තාවල දැක්වෙන පරිදි, මේ වන විට ගෙවී ගිය වසර 12ක කාලය තුළ ඔහු කිසිදු අවස්ථාවක බිම වාඩි වී හෝ බිම වැතිර නිදාගෙන නොමැති බව පැවසෙනවා. ඔහු රාත්රී කාලයේ නිදාගැනීම සිදු කරන්නේද ආධාරකයකට බර දී සිටගෙන සිටින ඉරියව්වෙන්ම වීම විශේෂත්වයක්.
කෙසේ වෙතත්, වසර ගණනාවක් පුරා මෙලෙස එකම ඉරියව්වෙන් සිටගෙන සිටීම නිසා ඔහුගේ දෙපා දැඩි ලෙස ඉදිමීමට සහ විවිධ සෞඛ්ය ගැටලුවලට ලක්ව තිබෙනවා. මේ වන විට සමාජ මාධ්යයේ සංසරණය වන වීඩියෝ පටයක දැක්වෙන්නේ, ස්වේච්ඡා සේවකයෙකු විසින් ඔහුගේ ඉදිමුණු දෙපාවල විෂබීජ නාශක සහ ආලේපන ගල්වමින් පිරිසිදු කර සාත්තු කරන ආකාරයයි.
වසර 12ක් තිස්සේ තම ශරීර සෞඛ්යය පවා නොතකමින් ඔහු මෙම දුෂ්කර ව්රතය ආරක්ෂා කළද, ඔහු බලාපොරොත්තු වන පරිදි අද වන තුරුත් අදාළ දෙවියන් දැකගැනීමට ඔහුට හැකියාව ලැබී නොමැති බවයි එම වාර්තාවල වැඩිදුරටත් සඳහන් වන්නේ.
උපුටා ගැනීමක්..
Comments
Post a Comment